Yeah~ GIVE ME 5~

又到 company lunch 的時候, 同事找了一間叫 GIVE ME 5 的餐廳 😃, 地點不太難找, 在鴻圖道向觀塘明渠直走就可以找到。

入lift上5樓 (GIVE ME 5 真的在5樓😂), 一入門口就會見到 counter 都酒櫃, 感覺滿高級的。

跟住 waiter 走入去馬上見到個 salad bar 同甜品櫃, 裡面的甜品 (名字好像是叫愛麗絲) 看似不錯, 可惜今次無機會食。

公司午膳時間一向比較早, 餐廳尚未有其他人。快快點好主菜(牛扒)就走出去 salad bar 搵食, 出到去先發現, 有4、5種 salad, 仲有湯同甜品...

最估不到的是, 居然有紅、白餐酒可選, 可惜尚在工作期間, 只好淺嘗、淺嘗。

自製了 Caesar salad, 雖然無煙肉 (反正我都會走煙肉, 比較健康), 但最重要有大量的菜、焗面麵同芝士粉嘛, 菜既清甜又趣口、焗面麵雖然比較油, 但無油又會無香味, 所以應該落少D、芝士粉無上限😃。

飲品: 除了白酒 (雖然食牛扒應該飲紅酒, 但只選了白酒送salad; 白酒入口有果酸味, 口味清新, 送 salad 都可以), 亦有餐飲 (凍檸茶), 可以自己落糖水。

所有salad bar 上的甜品都試了一點 : 青檸啫喱、牛奶果凍、芝士蛋糕、朱古力黑森林, 個人最中意芝士蛋糕。

主菜來了~ 肉眼扒、薯茶、野菌燒汁; 8安士的牛扒真不小, 大牛扒就是應該點 5成熟, 5成熟的牛扒尚有肉汁, 肉身鮮嫩, 保持了本身的牛肉膻香; 薯菜色份量亦不少, 炸薯角香脆、瓜菜應該有輕炒帶有蒜香; 最重要的是野菌燒汁, 燒汁中有粒粒的野菌, 而且牛扒點上燒汁更香、更"野"味。

眼見同事的吉列龍脷亦不錯, 炸得金兼色又香噴噴; 試了一口炸, 炸得不錯魚, 不會太油又有魚味。

飯後, 同事覺得難得聚餐, 甜品是少不了的, 所以點了脆皮韓式抹茶雪糕泡芙, 泡芙裡有吉士同抹茶雪糕, 泡芙表面趣趣的, 吉士有濃郁的奶香味, 再加上抹茶雪糕的甘香, 而且有生果伴碟, 結合得剛剛好。